તાજેતરની પોસ્ટસ

ફેબ્રુઆરી 27, 2012

યુ.કે. બાઇટ્સઃ વિન્ડો એડ્વર્ટાઇઝ્મેન્ટ

Typical Indian Shop Front Typical British Store Front


          ભારતીય દુકાન ગ્રાહકો માટે હંમેશા ખુલ્લી હોય છે (અને બંધ હોય તો દુકાનદાર પાછલા દરવાજેથી અંદર જઈને તમારે જોઈતી વસ્તુ જરૂર લાવી આપશે. Customer Service!) કારણ કે ત્યાંનું વાતાવરણ અનુકૂળ હોય છે. જ્યારે પ્રતિકૂળ વાતાવરણ ધરાવતા યુ.કે. માં ગમે તે દુકાન કેમ ન હોય, તેને આપણે ત્યાંના વાળંદની દુકાનની જેમ બહારથી તો કાચથી જ મઢવી પડે કે જેથી ઠંડા વાતાવરણનો સામનો થઈ શકે અને ગ્રાહક બહારથી દુકાનની અંદર નજર નાખી શકે.
          વેપારી કોઈ પણ દેશનો હોય, તેનો ધ્યેય તો માત્ર નફો જ હોય છે. દુકાનની ઇંચે-ઇંચ જગ્યાનો ઉપયોગ કરી વધુમાં વધુ નફો રળવો તેમની પ્રાથમિકતા હોય છે. ભારતીય વેપારી તો આગળની બાજુ વસ્તુઓ લટકાવી અને મૂકીને તે જગ્યાનો ઉપયોગ કરી લે અને પોતાની જાહેરાત પણ કરી નાખે, પણ યુ.કે.ના વેપારીને તો કાચની દિવાલ નડે. પણ વેપારી એટલે વેપારી. એ કાચની દિવાલમાંથી નફો રળવા તેમણે શોધી નાખી વિન્ડો એડ્વર્ટાઇઝ્મેન્ટ.
          મોટાભાગની કોર્નર શોપ્સની કાચની દિવાલ એટલે કે શોપ ફ્રન્ટના દરવાજા સિવાયના તમામે તમામ કાચ પર પોસ્ટકાર્ડ સાઇઝના કાગળ પર કોઈ પણ વ્યક્તિ અઠવાડિયાના પચાસ પેન્સ કે એક પાઉન્ડ જેટલા મામૂલી દરે પોતાની જાહેરાત મૂકી શકે છે. મોટાભાગની જાહેરાત રૂમ ભાડે આપવા માટે અને સેન્સ્યુઅલ બૉડિ મસાજ માટે જ હોય. તે ઉપરાંત, નોકરી માટે, બેબી સિટર માટે, મેન વિથ વેન જેવી કેટલીય પરચૂરણ જાહેરાતો હોય છે. આવતા જતા લોકો તેની પર જરૂરિયાત મુજબ નજર નાખતા જાય. મારો અંગત અનુભવ છે કે આની સફળતાનો દર ૧૦૦% હોય છે. અને વેપારી માટે તો 'દાઢીની દાઢી, ને સાવરણીની સાવરણી'.



          ૨૦૦૯ અને ૨૦૧૦ માં સ્ટુડન્ટ વિઝા પર ઉતરી આવેલા ધાડા પછી આ વિન્ડો એડ્વર્ટાઇઝ્મેન્ટમાં 'Massage Indian Gujarati Girls' જેવી જાહેરાત પણ નિયમિત જોવા મળે છે. પહેલા Indian Massage ની જાહેરાત જોવા મળતી પણ તેમાં 'Gujarati' કે 'ગુજરાતી' શબ્દ હવે ઉમેરાયેલા જોવા મળે છે. જુઓ નીચેનો ફોટોઃ

ટિપ્પણીઓ નથી:

ટિપ્પણી પોસ્ટ કરો

આપને શું ગમ્યું ને શું ખટક્યું એ જરૂર કહેજો. આભાર.