તે કુદરત - ચિરાગ ઠક્કર 'જય'

શિશિરની શીતળસી શર્વરીમાં, ઝાડના પાને જામ્યું એક ઝાકળ, સમજે તેના માટે સાવ સહેલું, અણસમજુને જે લાગે અકળ, તે કુદરત.
ઉનાળાના ઉંબરે ઊભા-ઊભા, ફોડેલા-ફાટેલા કાલા અને- બળબળતા બપોરસી બાળાએ શીત-લહર કાજ કરેલી અટકળ, તે કુદરત.
ચોમાસે પડતી ચપચપ બુંદોમાં પાડે જે પોતાનું પ્રતિબિંબ, અગનને જે આળે પાણીથી ને પાણીમાં પ્રગટાવે દાવાનળ, તે કુદરત.
[આ રચના લખાઇ હતી ૧૯૯૮માં અને મારી પ્રિય રચનાઓમાની એક છે.]