તાજેતરની પોસ્ટસ

September 06, 2010

કાબિલે-દાદ - ચિરાગ ઠક્કર 'જય'


અધરસ્તે ઓળખ્યો નહિ, વિનય કાબિલે-દાદ,
જાણીને અજાણ્યા બનવાનો અભિનય કાબિલે-દાદ.

સરકતો રહ્યો સાવ ધીમે-ધીમે વિરહની સંવેદનામાં,
એ આવતા જ દોડવા માંડ્યો, ઓ સમય કાબિલે-દાદ.

 ચાખ્યો હતો જે એકવાર ને હજુંય ભૂલ્યો નથી,
આપના અધરોમાં વસેલો મધુસંચય કાબિલે-દાદ.

આમ  તો આપનારને ઉપનામ મળે છે કર્ણનું,
દિલ આપીને દિવાના ગણાયા, વિસ્મય કાબિલે-દાદ.

ઘરના દ્વાર ખોલીને અંતરના દ્વાર બંધ,
પ્રતિકારમય સ્વીકારનો અનુનય કાબિલે-દાદ.

ક્યાંથી કદર હોય ફૂલને ફોરમની પાનખર પહેલા?
મુજ ચિતા જોઇ બોલીશ, 'જય'નો પ્રણય કાબિલે-દાદ.

No comments:

Post a Comment

આપને શું ગમ્યું ને શું ખટક્યું એ જરૂર કહેજો. આભાર.