તાજેતરની પોસ્ટસ

August 12, 2010

કાચની દિવાલ - ચિરાગ ઠક્કર 'જય'



એમણે પૂછ્યું, "કેમ છો?"
"કેવા હોઈએ  તમારા વિના?"

"કેમ આવું બોલો છો?"
"હવે બોલવા જેવું શું રહ્યું છે?"

"નિરાશાવાદી થઈ ગયા કે શું?"
"આશાકિરણ ક્યાં પ્રગટે છે?"

"શબ્દોમાં શીતળતા કેમ નથી?"
"ઉષ્મા તો ભૂતકાળમાં નહોતી?"

"ભૂતકાળનો કિનારો હજુ નથી છૂટ્યો?"
"એજ વર્તમાનની શરૂઆત નથી?"

"શું વર્તમાન વિચ્છિન્ન નથી લાગતું?"
"એ વિચ્છિન્ન ફરીથી અભિન્ન ન થાય?"

"હું તો વર્તમાનમાં જ જીવું છું ને?"
"એમ? કેમ છો?" મે પૂછ્યું.

વર્તુળનો અનંત પરીઘ
એમ ને એમ ફરતો રહ્યો,

ને જીવન આખું ગયું
એક કાચની દિવાલ ચણવામાં.

No comments:

Post a Comment

આપને શું ગમ્યું ને શું ખટક્યું એ જરૂર કહેજો. આભાર.