તાજેતરની પોસ્ટસ

April 12, 2009

આ મારી દુનિયાનું - ચિરાગ ઠક્કર 'જય'


મને રાજકારણ ન ફાવ્યું આ મારી દુનિયાનું,
મુજ મત્સ્યને પાણી ન ફાવ્યું આ ખારી દુનિયાનું;

આટા-પાટા, સાચા-ખોટા, ઊંચા-નીચા, નાના-મોટા,
મુજ મંદને ગણિત ન ફાવ્યું આ બેધારી દુનિયાનું;

વચન સર્જનનું વેરે વિનાશ, પૂરે પિંજરે ચીંધી આકાશ,
ખરાબ કામ ન ગમ્યું, આ બહુ સારી દુનિયાનું,

પ્રેમના ઝાંઝવા, ખુશીની તરસ, શૂન્ય પ્રાપ્તિ, જીવન નિરસ,
શું થશે 'જય' ગઝલ વિના આ બિચારી દુનિયાનું.

1 comment:

  1. આટા-પાટા, સાચા-ખોટા, ઊંચા-નીચા, નાના-મોટા,
    મુજ મંદને ગણિત ન ફાવ્યું આ બેધારી દુનિયાનું;

    bahu sarase

    ReplyDelete

આપને શું ગમ્યું ને શું ખટક્યું એ જરૂર કહેજો. આભાર.